Dövlət Xidməti I yarımildə 52 saxta domenin fəaliyyətinin qarşısını alıb

Bu ilin I yarısında Xüsusi Rabitə və İnformasiya Təhlükəsiziliyi Dövlət Xidməti kiberkəşfiyyat imkanlarından istifadə etməklə dövlət qurumlarının domenlərinə (gov.az) bənzədilmiş 52 saxta domenin ölkə üzrə fəaliyyətinin qarşısını alıb.

ANmedia.az Dövlət Xidmətinə istinadən xəbər verir ki, bunun nəticəsində xakerlər tərəfindən xüsusi hədəflənmiş kiberhücum hazırlıqlarında hakerlərin dövlət qurumları adından istifadə edilməsi planları pozulmuş və kiberhücum cəhdləri qabaqlanıb.

Bununla yanaşı, I yarımildə qeydə alınmış və dövlət qurumlarından daxil olmuş məlumatlar əsasında kiberhücumların analizi ilə 582 kiberhücum indikatoru (IOC) müəyyən edilib və bloklanması ilə dövlət qurumlarına qarşı hazırlanmış xüsusi hədəflənmiş APT kiberhücumların qarşısı alınıb.
Bu kibertəhdidlərin 251-i daxili araşdırma, 331-i isə dövlət qurumları tərəfindən daxil olmuş insidentlərin araşdırılması əsasında müəyyən olunub.