LIVE
AZ
TR
RU
EN
FOTO
VIDEO 
Dövlət İmtahan Mərkəzi mayın 5-də və daha sonrakı tarixlərdə (dövlət qulluğu ilə bağlı 12 mayda olan imtahanlar istisna olmaqla), eləcə də iyun, iyul və avqust aylarında keçiriləcək imtahanların bu dövr üçün xarakterik olan isti hava şəraiti ilə əlaqədar saat 10:00-da başlaması barədə qərar qəbul edib.
Bu barədə ANmedia.az-a mərkəzdən məlumat verilib.
Qeyd olunub ki, imtahanların başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələnlər imtahan binasına buraxılmayacaq.
Bundan əlavə, kütləviliyin qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən ediləcək və buraxılış vərəqəsində həmin vaxt göstəriləcək. Ona görə də imtahan binasına buraxılış vərəqəsində qeyd olunan vaxtda gəlmək lazımdır.
Hər hansı bir imtahan üçün buraxılış vərəqələri imtahandan 5-7 gün öncə DİM-in saytına yerləşdirilir.
Xatırladaq ki, imtahan adətən saat 11.00-da başlayırdı.
Mətndə səhv varsa, onu qeyd edib ctrl + enter düyməsini basaraq bizə göndərin
