LIVE
AZ
TR
RU
EN
FOTO
VIDEO 
Qaradağ Günəş elektrik stansiyasının bu il istismara veriləcəyi gözlənilir.
𝗔𝗡𝗺𝗲𝗱𝗶𝗮.𝗮𝘇 “Trend”ə istinadən xəbər verir ki ,bu barədə “Masdar” şirkətinin (BƏƏ) Mərkəzi Asiya və Rusiya üzrə İnkişaf və investisiya departamentinin rəhbəri Məryəm Rəşid Əl Məzrui “Emirates News Agency”yə (WAM) deyib.
230 meqavat gücə malik elektrik stansiyasının 110 000-dən çox evin tələbatını qarşılamaq üçün 0,5 milyard kVt/saat elektrik enerjisi istehsal etdiyini deyən departament rəhbəri layihə sayəsində karbon qazı tullantılarını ildə 200 000 tondan çox azaltmağın mümkün olacağını bildirib.
Onun sözlərinə görə, Qaradağ Günəş elektrik stansiyası yerli əhalini yeni iş yerləri ilə təmin edəcək.
“Əbu-Dabi İnkişaf Fondu layihəni maliyyələşdirən təşkilatlar sırasına daxildir. BƏƏ və “Masdar” birbaşa xarici investisiyaları təşviq etməyə və Azərbaycanın “təmiz enerji”, dayanıqlı inkişaf və karbon qazı tullantılarının azaldılması sahəsindəki səylərini dəstəkləməyə çalışırlar”, - Əl Məzrui deyib.
Qeyd edək ki, “Masdar” şirkəti Azərbaycanda alternativ enerji sahəsində böyük layihələrin həyata keçirilməsində aktiv iştirak edir.
2023-cü il yanvarın 15-də Prezident İlham Əliyevin Birləşmiş Ərəb Əmirliklərinə işgüzar səfəri çərçivəsində Əbu-Dabi şəhərində Azərbaycan Respublikası Dövlət Neft Şirkəti (SOCAR) ilə Birləşmiş Ərəb Əmirliklərinin “Masdar” şirkəti arasında Azərbaycan Respublikasında 2 GVt gücündə “Dənizdə külək və hidrogen layihələrinin işlənməsinə dair” Birgə işlənmə sazişi, həmçinin 1 GVt gücündə “Günəş fotovoltaik” və 1 GVt gücündə “Quruda külək layihələrinin işlənməsinə dair” Birgə işlənmə sazişi imzalanıb.
Mətndə səhv varsa, onu qeyd edib ctrl + enter düyməsini basaraq bizə göndərin
