LIVE
AZ
TR
RU
EN
FOTO
VIDEO 
Azərbaycan Səhiyyə Nazirliyində ölkəmizdə işgüzar səfərdə olan tanınmış neyrocərrah, İsrailin Soroka Universiteti Tibb Mərkəzinin Neyrocərrahiyyə şöbəsinin direktoru doktor Mikki Gideonla görüş keçirilib.
𝗔𝗡𝗺𝗲𝗱𝗶𝗮.𝗮𝘇 xəbər verir ki, bu barədə nazirlik məlumat yayıb.
Səhiyyə naziri Teymur Musayev diqqətə çatdırıb ki, bütün sahələrdə olduğu kimi, səhiyyə və tibb elmi sahəsində də əməkdaşlıq nümunəvidir:
“İsrail yüksək səviyyəli təhsil və səhiyyə sisteminə malik ölkələrdən biridir. Ölkələrimizin səhiyyənin nəzdində olan yüksək texnologiya - virusologiya, mikrobiologiya və səhiyyənin digər sahələrində əməkdaşlıqdan və qarşılıqlı fəaliyyətindən məmnunuq. Bundan əlavə, Azərbaycan Tibb Universiteti İsrailin Ben Qurion Universiteti və Soroka Tibb Mərkəzi ilə fəal əməkdaşlıq edir”.
Teymur Musayev çıxışında doktor Gideonun karyerası ərzində bir sıra unikal əməliyyatlar həyata keçirdiyini vurğulayaraq bildirib ki, onlardan bəziləri neyrocərrahiyyə sahəsində innovativdir:
“Eyni zamanda, siz ictimai fəaliyyətlərə də vaxt ayırırsınız. Belə ki, 2021-ci ilin oktyabrında Heydər Əliyev Fondunun dəvəti ilə Bakıya səfər etdiniz. Səfər zamanı Azərbaycan Tibb Universitetinin tələbələri qarşısında çıxış edib, yerli neyrocərrahlarla görüşüb, həmçinin Azərbaycanda klinikalardan birində pasiyentlərə təmənnasız konsultasiya həyata keçirdiniz”.
Sonda Azərbaycan səhiyyə naziri müştərək elmi-tədqiqat işlərinin aparılmasının vacibliyini vurğulayıb.
Səmimi qarşılanmaya görə minnətdarlığını bildirən doktor Mikki Gideon Bakıya yenidən səfər etməkdən məmnunluğunu bildirib. O, təmsil etdiyi tibb mərkəzinin Azərbaycan Səhiyyə Nazirliyi ilə əməkdaşlıqda maraqlı olduğu vurğulayıb. Diqqətə çatdırılıb ki, Soroka klinikası İsrailin ən böyük müalicə-diaqnostika mərkəzlərindən biridir. Tibbi mərkəzin müasir avadanlıqları xəstəliklərə ən erkən mərhələdə diaqnoz qoymağa imkan verir ki, bu da öz növbəsində daha dəqiq və effektiv müalicəyə kömək edir.
Mətndə səhv varsa, onu qeyd edib ctrl + enter düyməsini basaraq bizə göndərin
