LIVE
AZ
TR
RU
EN
FOTO
VIDEO 
İsveçdə yaşayan soydaşlarımızın bir qrupu sentyabrın 11-də ölkə üzrə keçiriləcək Riksdaq (parlament), regional və bələdiyyə seçkilərində öz namizədliklərini irəli sürüb.
𝗔𝗡𝗺𝗲𝗱𝗶𝗮.𝗮𝘇 xəbər verir ki, Seçki marafonunda Sosial-Demokrat Partiyasını İradə Əliyeva Söderberq (Jönşöpinq bölgəsi üzrə Regional Şura), Mahirə Muxtarova (Höteborq bələdiyyə məclisi), Xalidə Mərafət (Huddinge bələdiyyə məclisi), Aylin Fazelian (Riksdaq), Mərkəz Partiyasını isə Aida Kərimli (Riksdaq və Regional Şura), Duman Radmehr (Vestra Hötaland əyalət şurası) və Turan Əliyev (Riksdaq, əyalət şurası və bələdiyyə məclisi) təmsil edəcəklər.
Qeyd edək ki, İsveç Azərbaycanlıları Koordinasiya Şurasının sədri İradə Əliyeva Söderberq Jönşöpinq bölgəsindəki Regional Şuranın dörd çağırış deputatı, Turan Əliyev Partille şəhər bələdiyyə məclisinin üzvü və Höteborq bölgəsi üzrə Miqrasiya və İnzibati məhkəmə jürisi, Aylin Fazelian parlamentin deputatı olub.
Diasporla İş üzrə Dövlət Komitəsi soydaşlarımıza seçicilərin əksəriyyətinin səsini qazanmağı, İsveçin ictimai-siyasi və humanitar həyatına töhfələr bəxş etməyi arzulayır.
Mətndə səhv varsa, onu qeyd edib ctrl + enter düyməsini basaraq bizə göndərin
