“Gənclərin vətənpərvər ruhda yetişdirilməsi” mövzusunda görüş keçirilib

24.06.2022-ci “Qaradağ Gənclər Evi”ndə Aydın Tağıyev ilə gənclərin “Gənclərin vətənpərvər ruhda yetişdirilməsi” mövzusunda görüşü keçirilib.

Anmedia.az xəbər verir ki, görüş zamanı gənclərlə vətənpərvər ruhda yetişmək,məqsədlərinə əngəl tanımadan irəliləmək və s. bu kimi mövzular ətrafında maraqlı söhbətlər aparıldı.  

Eyni zamanda Aydın Tağıyevin ilk kitabı olan “Fədakarlar bir amal uğrunda” gənclərə təqdim olundu. Kitab yerli və dünya KİV-lərində yer almış və ermənilərin azərbaycanlılara qarşı zaman-zaman törətmiş vəhşiliklərdən, Azərbaycanın əlamətdar, o cümlədən tarixi günləri, tanınmış şəxsiyyətləri, müxtəlif dövrlərdə ayrı-ayrı fədakar insanların Azərbaycan naminə bir amal uğrunda birləşərək bəhs edən məqalələr toplusu formasındadır.

Görüşə yekun vuran Qaradağ Gənclər Evinin direktoru Natiq İmanov gənclərlə keçirilən belə görüşlərin əhəmiyyətini vurğuladı və bu ənənənin davam etdirilməsinin vacibliyini diqqətə çatdırdı. Gənclər Evinin direktoru gənclərə gələcək fəaliyyətlərində və ölkəmizin firavanlığı naminə gördükləri işlərdə yeni-yeni uğurlar arzuladı.