Dünyanın aparıcı şirkətlərində çalışan azərbaycanlı mühəndis

Osman Əfəndiyev Toronto Universitetinin nüfuzlu Lester B.Pearson beynəlxalq təqaüdünü qazanan ilk və yeganə azərbaycanlı tələbədir. 

ANmedia.az xəbər verir ki, bu təqaüdlə ona ümumilikdə 400 min dollara qədər maddi dəstək göstərilib. Universitetdə Kompüter Elmləri ixtisası ilə yanaşı, öz təşəbbüsü ilə Psixologiya ixtisasını da bitirib. Gənc yaşlarında böyük uğurlara imza atan Osman, 23 yaşında "Huawei"-də Kernel mühəndisi kimi, 24 yaşında isə Silikon Vadisinin nəhəngi NVIDIA-da proqram təminatı mühəndisi kimi fəaliyyətə başlayıb. Yalnız bir ildən sonra baş mühəndis (senior) vəzifəsinə yüksəlib. NVIDIA-da keçdiyi 8 mərhələli çətin müsahibə prosesindən uğurla cıxaraq, yüksək texnoloji sahədə özünü təsdiqləyib. Gələcəkdə SpaceX kimi qabaqcıl şirkətlərdə çalışmaq və Marsa insan sivilizasiyasının köçürülməsində pay sahibi olmaq arzusundadır.