Rumıniyada təqaüd proqramı ilə təhsil almaq istəyənlərin nəzərinə

2023-cü tədris ili üzrə Azərbaycan vətəndaşları üçün elan etdiyi təqaüd proqramına sənəd qəbulu yekunlaşır.

Bu barədə Anmedia.az-a Təhsil Nazirliyindən məlumat verilib. Bildirilib ki, təqaüd proqramına müraciət mayın 1-i saat 23:59-dək davam edəcək.

Təqaüd proqramı “Rumıniyanın Təhsil və Tədqiqat Nazirliyi ilə Azərbaycan Respublikası Təhsil Nazirliyi arasında təhsil sahəsində əməkdaşlığa dair 11 oktyabr 2004-cü il tarixində imzalanmış müqavilə”yə əsasən həyata keçirilir.

Proqram iki ölkənin vətəndaşlarına tələbə mübadiləsi əsasında ali təhsil müəssisələrində bakalavriat, magistratura və doktorantura səviyyələri üzrə təhsil almaq imkanı yaradır.

Ətraflı məlumat Təhsil Nazirliyinin saytında yerləşdirilib.