Əhmədiyyə Cəbrayılovun 100 illik yubileyi ilə bağlı tədbir keçirilib

Qazaxlar kənd tam orta məktəbdə Əhmədiyyə Cəbrayılovun 100 illik yubileyi ilə bağlı tədbir keçirilib.

Anmedia.az xəbər verir ki, tədbirdə məktəbin tarix müəllimi Həmdiyyə Quliyeva şagirdlərə İkinci Dünya Müharibəsi dövründə antifaşist Müqavimət hərəkatının görkəmli nümayəndəsi Əhmədiyyə Cəbrayılovun həyatı və döyüş yolu haqqında geniş məlumat verib, onun könüllü olaraq cəbhəyə yollandığını, daha sonra Fransa Müqavimət hərəkatına qoşulduğunu və bu hərəkatın fəal iştirakçısına çevrildiyini şagirdlərin diqqətinə çatdırıb.

Çıxış edən şagirdlər Prezident İlham Əliyevin rəhbərliyi ilə həyata keçirilən dövlət siyasətində tariximizdə silinməz izlər qoymuş şəxslərin xatirəsinə dərin ehtiram ifadə edildiyini bildiriblər. Ölkə Prezidentinin “Əhmədiyyə Cəbrayılovun 100 illiyinin qeyd edilməsi haqqında” Sərəncamı xalqımızın, dövlətimizin qəhrəman övladlarına olan əbədi ehtiramının təzahürüdür.

Tədbirdə əfsanəvi partizan Əhmədiyyə Cəbrayılovun həyat və döyüş yoluna həsr olunan videoçarx da nümayiş olunub.