Xalq artisti Eldar Mansurov Qarabağnamə adlı balet yazır

“44 günlük Vətən müharibəsinə həsr etdiyim “Qarabağnamə” baleti üzərində işləyirəm”.

ANmedia.az bildirir ki, bunu “Report”a açıqlamasında tanınmış bəstəkar, Xalq artisti Eldar Mansurov deyib.

O bildirib ki, İkinci Qarabağ müharibəsindən əvvəl və sonra da vətənpərvərlik ruhunda çoxlu əsər yazıb. E.Mansurovun sözlərinə görə, təkcə Xalq artisti Mübariz Tağıyevlə birgə onlarla mahnı bəstələyib.

“Hamısı Vətənlə, Ermənistanın Azərbaycan torpaqlarını işğal etməsi, əsgərlərimizin qəhrəmanlığı, şəhidlərimizlə bağlı olub. Müxtəlif şairlərin sözlərinə mahnılar yazmışam. Hamısı da Azərbaycanın qələbəsini vəsf edən mahnılardır. Bundan sonra da yazacam. Hazırda yeni bir əsər üzərində işləyirəm. 44 günlük Vətən müharibəsinə həsr etdiyim “Qarabağnamə” baletinin bəzi bölmələri hazırdır”, - bəstəkar vurğulayıb.

Xalq artisti balet üçün yaxşı bir ssenariyə ehtiyacının olduğunu deyib: “Çünki həmin ssenari müharibənin başlanğıcından sonuncu nöqtəsini - Qələbəni ehtiva etməlidir. Belə şeylər operada asandır. Orada sözlər kömək edir. Amma baletdə bunları hərəkətlər və musiqi ilə göstərirsən. Buna görə, ssenari lazımdır”.

Mətndə səhv varsa, onu qeyd edib ctrl + enter düyməsini basaraq bizə göndərin