Avropa qaz çatışmazlığının bir qismini Azərbaycanın hesabına kompensasiya edib - “Fitch”

ANmedia.az “Fitch”in yaydığı məlumata istinadən xəbər verir ki, köhnə qitədə təbii qaz anbarlarının doluluq səviyyəsi 90%-dən çox olsa da, qaz və bununla bağlı enerji riski norması hələ də yüksəkdir.

“İllik məlumatlara əsasən, 2022-ci ildə qaz istehlakının 2021-ci ilə nisbətən 25-30 milyard kubmetr aşağı olacağını təxmin edirik. Həm az istehlak, həm də çox LNG idxalı tələbatın pik mövsümü olan noyabr-aprel ayları ərzində, hava temperaturunun sabit qalacağı təqdirdə Avropanın gələn il üçün bu qışdan yaxşı vəziyyətdə çıxması anlamına gəlir. Bununla belə, bir çox risklər qalmaqdadır. O cümlədən normaldan daha soyuq və uzun qış, eləcə də həm boru kəməri, həm də LNG idxalı ilə bağlı tədarükün kəsilməsi, fikrimizcə əsas risklər olaraq qalır”, - deyə məlumatda bildirilir.