LIVE
AZ
TR
RU
EN
FOTO
VIDEO 
“Şadam ki, Azərbaycanın işğaldan azad edilmiş əraziləri tədricən bərpa olunur, buralara həyat geri qayıdır”.
𝗔𝗡𝗺𝗲𝗱𝗶𝗮.𝗮𝘇 xəbər verir ki, bunu “Report”un əməkdaşına açıqlamasında Qarabağ və Şərqi Zəngəzura səfər edən beynəlxalq səyahətçilər qrupunun tərkibində yer alan britaniyalı səyyah Saşa Hini deyib.
Gördüklərindən heyrətlənən S.Hini ağrı və kədərlə dolu yerlər görəcəyini gözlədiyini söyləyib.
“Ancaq gənc nəslin bu yerləri necə bərpa etdiyini, onların ilkin görkəmini bərpa etməyə, yenidən həyata qaytarmağa çalışdığını görmək çox sevindiricidir”, - deyə o bildirib.
S.Hini vurğulayıb ki, bir vaxtlar buradan qovulmuş insanların öz torpaqlarına qayıtması üçün hava limanlarının, yaşayış binalarının tikildiyini, şəhər və kəndlərin salındığını görüb.
Azıx mağarası ilə bağlı təəssüratından danışan səyyah buranın unikal və tarixi dəyərə malik olduğunu qeyd edib.
“Bir çox səyahətçilər üçün işğaldan azad edilmiş əraziləri ziyarət etmək çox maraqlıdır. Xəbərlərdə bura gələn insanların olduğunu eşitmişik, lakin hər şeyi öz gözümüzlə görmək bizim üçün imtiyazdır”, - deyə o əlavə edib.
Qeyd edək ki, bu gün 12 ölkəni təmsil edən beynəlxalq səyahətçilər qrupunun Qarabağ və Şərqi Zəngəzura səfəri başlayıb. 30 nəfərlik qrupa ABŞ, Böyük Britaniya, İrlandiya, Belçika, Almaniya, Fransa, Danimarka, Niderland, İtaliya, İspaniya, Braziliya və Rusiyadan olan nümayəndələr daxildirlər. Səyahətçilər fevralın 4-6-da Füzuli-Xocavənd-Şuşa-Kəlbəcər-Laçın-Zəngilan-Cəbrayıl-Ağdam marşrutu üzrə Azərbaycanın işğaldan azad edilmiş ərazilərinə səfər edəcəklər.
Mətndə səhv varsa, onu qeyd edib ctrl + enter düyməsini basaraq bizə göndərin
