LIVE
AZ
TR
RU
EN
FOTO
VIDEO 
Hər zaman yaddaqalan layihələrə imza atan Bakı Media Mərkəzi hazırda ölkəmizin tarixi ilə bağlı böyük önəm daşıyan filmin istehsalı üzərində çalışır.
ANmedia.az xəbər verir ki, “Himayədar” adlı bu film böyük mesenat və xeyriyyəçi Hacı Zeynalabdin Tağıyevin həyatına həsr olunub. Qeyd etmək lazımdır ki, filmdə həmçinin, XIX əsrin sonu-XX əsrin əvvəlində Bakı və bölgədə baş verən mühüm tarixi hadisələrə də toxunulur.
Qeyd edək ki, filmin rəhbəri və prodüsseri Bakı Media Mərkəzinin prezidenti Arzu Əliyevadır. Arzu Əliyeva çəkilişin baş tutduğu məkanlarda iştirak edib.
Ölkəmizin tarixinin tanıdılmasını məqsədləyən bu önəmli ekran işinin may ayında başlayan 120 çəkiliş gününün 90-ı artıq başa çatıb. Filmin 8 seriyadan ibarət olması nəzərdə tutulub. Filmin kütləvi səhnələrinin çəkilişində 1600 nəfər iştirak edib. Çəkiliş üçün 70-dən çox məkanda çəkiliş aparılıb və bununla yanaşı 300-dən çox abidə hazırlanıb.
Bakı Media Mərkəzinin fotoqrafları tərəfindən ölümsüzləşdirilən həmin anları sizə təqdim edirik.
Mətndə səhv varsa, onu qeyd edib ctrl + enter düyməsini basaraq bizə göndərin
