Prezident: "Yalnız Heydər Əliyevin qətiyyəti, xalqın ona inamı sayəsində Azərbaycan təhlükələrdən xilas oldu"

"Yalnız Heydər Əliyevin qətiyyəti, xalqın ona inamı sayəsində Azərbaycan təhlükələrdən xilas oldu və inkişaf yoluna çıxdı".
ANmedia.az xəbər verir ki, bu barədə Azərbaycan Prezidenti İlham Əliyev Bişkekdə Heydər Əliyev adına 20 saylı Məktəb-Gimnaziya təhsil-tərbiyə kompleksinin açılış mərasimində bildirib.
Dövlət başçısı bildirib ki, biz uçurum kənarında idik, qonşu ölkənin hərbi təcavüzü nəticəsində təkcə əraziləri itirmirdik, həm də hərc-mərclik və qardaş qırğını, vətəndaş müharibəsi faciəsi ilə üz-üzə idik.

Ən ağır müharibənin vətəndaş müharibəsi olduğunu vurğulayan Prezident deyib:
"Təəssüf ki, Azərbaycan xalqı bunun acısını çəkib. Yalnız Heydər Əliyevin qətiyyəti və Azərbaycan xalqının ona inamı sayəsində o, qardaş qırğınını dayandırdı, Azərbaycanın iflasa sürüklənməsinin, gənc respublikamızın parçalanmasının qarşısını aldı, Azərbaycanı inkişaf yoluna qoydu, sabitliyin, təhlükəsizliyin möhkəmləndirilməsinə, investisiyaların cəlbinə, müasir Azərbaycan Ordusunun təməlini qoymağa nail oldu".