Mənəvi Dəyərlərin Təbliği Fondunun könüllüləri və tələbələr üçün təşkil olunmuş "Yay məktəbi"nin açılış mərasimi olub

Avqustun 15-də Mənəvi Dəyərlərin Təbliği Fondunun təşkilatçılığı ilə Oğuz rayonunda Fondun könüllüləri və tələbələr üçün təşkil olunan "Yay məktəbi" öz işinə başlayıb. Açılış mərasimində Mənəvi Dəyərlərin Təbliği Fondunun icraçı direktoru Mehman İsmayılov, Dini Qurumlarla İş üzrə Dövlət Komitəsinin Şəki bölgəsi üzrə şöbəsinin müdiri Taleh Abdullayev, Oğuz Rayon İcra Hakimiyyətinin nümayəndəsi Nicat Kərimov, YAP Oğuz təşkilatının sədri Mehman Ramazanov, Oğuz rayon Gənclər və idman sektorunun müdiri Şaiq Rüstəmovun məruzələri dinlənilib. Çıxışlar zamanı bildirilib ki, belə tədbirlərin təşkil edilməsində əsas məqsəd milli-mənəvi dəyərlərimizin inkişafında, maddi-mədəni irsimizin qorunmasında, həmçinin tarixən formalaşmış dəyərlərimizin gələcək nəsillərə ötürülməsində könüllülərin rolunu artırmaqdır.


ANmedia.az