Aydın Tağıyev "Cənab Ali Baş Komandan tarixi əsəri"ni yazdı – VİDEO

Azərbaycan Jurnalistlər Birliyi və Azərbaycan Yazıçılar Birliyinin üzvü, müstəqil araşdırmaçı jurnalist, yazıçı, publisist Aydın Tağıyevin müəllifi olduğu “Cənab Ali Baş Komandan tarxi əsərinə” musiqi bəstələnib.
 
ANmedia.az xəbər verir ki, eyni zamanda, musiqi əsəri üçün ssenarisi Aydın Tağıyevə məxsus klip də ərsəyə gətirilib. Ekran işinin bəstəkarı və musiqi prodüseri Camal Qurbanovdur. Musiqi əsəri Xalq artistləri Alim Qasımov, İlqar Muradov, əməkdar artist Lalə Məmmədova, eləcə də tanınmış gənc müğənnilər Çinarə Məlikzadə və Rəsul Əfəndiyev tərəfindən ifa edilib.

Həmçini əsərin ifasında Xalq artistləri balaban ustası Əlixan Səmədov, qarmon ustası Ənvər Sadıqov, Natiq Şirinovun rəhbərliyi ilə Ritm qrupu, Əməkdar artistləri tarda Şəhriyar İmanov, kamançada Toğrul Əsədullayev və tanınmış gitara ustası Mehdi Mamedov da yer alıblar.
 
 

Qeyd edək ki, bəstənin səs rejissoru (mixmastering) Toufan Mehri, video editor Elcan Məmmədli, mətn redaktorları Günel Şəmilzadə və Afaq Rza, korrektorlar Toğrul Abdullayev, Aişə Baxışıyeva, rejissor Ramal Nasibli, işıq ustası Azad Qasımzadədir.
 
Xatırladaq ki, Aydın Tağıyev "İlk Zəfər marşı" və "Vətən Marşı"nın müəllifidir. Müəllifin Ulu Öndər Heydər Əliyevin 100 illiyinə həsr olunmuş "Fədakarlar bir amalın uğrunda" və "Böyük zəfərin 101 şəhidi" kitabları işıq üzü görüb. On ildən çoxdur ki, Aydın Tağıyevin Azərbaycan həqiqqətlərinə dair məqalələri 10 dildə dünya mətbuatında yayımlanır. "Qızıl medal" mükafatçısı olan müəllif, "Qarabağ həqiqətləri 1992-2020" layhəsi və hazırda davam edən "Vətən" layihəsinin rəhbəridir. Paralel olaraq, “ANmedia.az” informasiya portalı, "Əsrin aydınları" jurnalı və "Əsrin Aydınları” mükafatının həmtəsisçisidir. Azərbaycan Yazıçılar Birliynin (AYB), Azərbaycan Jurnalistlər Birliyinin üzvü (AJB), Dövlət İmtahanı Mərkəzində isə (DİM) İmtahan rəhbəridir.

Tarixi əsərin bəstəkarı, pianoçu Camal Qurbanov,  “Avropa İttifaqı Ölkələrinin Fəxri Bəstəkarı” sertifikatı ilə təltif olunub. Musiqi Label-ında Azərbaycanın ən tanınmış ifaçıları ilə birgə iş birliyi görən musiqi prodüseridir. AzTV-nin Qızıl Fonduna salınan ilk "Zəfər Marşı" və "Vətən Marşının" bəstəkarı, 2023-cü ildə Azərbaycanda keçirilən "Formula1" yarışının musiqi rəhbəri, 100 dən çox musiqi əsərinin müəllifi, "KingStar" Productionun rəhbəridir. Hazırda gələcək konserti üçün solo proyektlərinin üzərində çalışır.

“Cənab Ali Baş Komandan tarxi əsəri”nin sözlərini təqdim edirik:

Bu gün bizi xoş sabaha daşıyan
Ərənləri zəfərlərdən danışan
Qəlbi millətlə yaşayan,
Dünyaya türkün gücün aşılayan
Xalqın tarixi qəhrəmanı
Bu günü, sabahı, hər anı, Ali Baş Komandanı!
Bu qələbə öndərin vəsiyyəti!
Övlada nəsiyyəti!
Qalibik daha, komandan!
Məğruruq daha, komandan!
Kömək oldu yaradan!
Qurtulduq o yaradan!
Millətinə zəfərləri yaşadan
Sizinləyik hər an
Qalib, müzəffər Ali baş Komandan!
Zəfəri dadan xalqın inamı,
Əbədidir İlhamı!
Bu tarixə imzanı
Çəkəcəkdir bir hamı!
Millətinə zəfərləri yaşadan
Sizinləyik hər an
Qalib, müzəffər Ali baş Komandan!