İkinci "Togg" elektromobili Prezident İlham Əliyevə təqdim ediləcək

Prezident İlham Əliyevə Türkiyənin yerli istehsalı olan "Togg" elektromobili təqdim ediləcək.
 
ANmedia.az xəbər verir ki, bu barədə Türkiyənin sənaye və texnologiya naziri Mustafa Varank bildirib.
 
Onun sözlərinə görə, "Togg" bazar ertəsi Türkiyə dövlət başçısı Rəcəb Tayyib Ərdoğana təqdim olunacaq.


"Daha sonra ikinci avtomobil Azərbaycan Prezidenti İlham Əliyevə təqdim ediləcək", - deyə nazir vurğulayıb.
 
Qeyd edək ki, bir müddət əvvəl Türkiyə Prezidenti Rəcəb Tayyib Ərdoğan ölkəsinin yerli istehsalı olan ikinci “Togg” elektromobilinin Azərbaycan lideri İlham Əliyevə veriləcəyini açıqlamışdı.