15 hektar sahədə meşəbərpa tədbirləri aparılır

Regional Meşə Təsərrüfatı Mərkəzlərinin əməkdaşları ölkə ərazisində əlverişli hava şəraitindən istifadə edərək bayram və tətil günlərində də meşəbərpa tədbirləri aparır.

ANmedia.az xəbər verir ki, bunu Meşələrin İnkişafı Xidmətinin rəsmisi Cabbar Qəribov bildirib.

"Şəmkir, Sabirabad, Ağcabədi, Göygöl, Quba, Qəbələ, Lənkəran və digər rayonların meşə sahələrində də meşəbərpa tədbirlərinin aparılması məqsədilə torpaq hazırlıq işləri yerinə yetirilir".

C.Qəribov onu da qeyd edib ki, əkinlərdə istifadə etmək məqsədilə Regional Meşə Təsərrüfatı Mərkəzlərinin tinglik sahələrində ting yetişdirilməsi üçün tədarük olunan toxumların səpini işləri də davam etdirilir.