LIVE
AZ
TR
RU
EN
FOTO
VIDEO 
Türkiyənin Antalya şəhərində müxtəlif yaş qrupları arasında şahmat üzrə Avropa çempionatında VII tura yekun vurulub.
𝗔𝗡𝗺𝗲𝗱𝗶𝗮.𝗮𝘇 Axar.az-a istinadən xəbər verir ki , 12 yaşlı oğlanların mübarizəsində Azərbaycan şahmatçısı Əhməd Xaqan 7 oyundan 6,5 xal toplamaqla liderliyini davam etdirir. İkinci pillədəki Türkiyə təmsilçisi Yigit Karaca ondan yarım xal geri qalır.
16 yaşlı oğlanların yarışında Cahandar Azadəliyev 5,5 xalla ikinci pillədə qərarlaşıb. Bu yaş kateqoriyasında lider olan polşalı Jan Malek onu 1 xal qabaqlayır.
10 yaşlı qızların yarışında iki iştirakçı eyni xal toplayıb. Yunanıstanlı Marianta Lampou və Azərbaycan şahmatçısı Leyla Mirzəliyeva hərəyə 6,5 xal toplayaraq ilk pillələrdə qərarlaşıblar.
Qeyd edək ki, Avropa çempionatına noyabrın 15-də yekun vurulacaq. Ümumilikdə yarışda 46 ölkədən 1000-ə yaxın şahmatçı mübarizə aparır.
Mətndə səhv varsa, onu qeyd edib ctrl + enter düyməsini basaraq bizə göndərin
