Ötən il elektrik enerjisi üzrə 212 ədəd buraxılış aktı verilib

2021-ci ildə Azərbaycanda elektrik enerjisi üzrə 212 ədəd (56 ədədi 0,4 kV-luq şəbəkədən, 156 ədədi isə yüksək gərginlikli şəbəkədən) elektrik qurğusu üçün istismara buraxılış aktı verilib.

Bu barədə Anmedia.az-a Energetika Nazirliyi yanında Enerji Məsələlərini Tənzimləmə Agentliyindən bildirilib.

Məlumata görə, elektrik qurğuları üçün istismara buraxılış aktının verilməsinə dair müraciətlər araşdırılarkən aşağıdakı tipik pozuntu halları aşkar edilib.

- layihədən kənara çıxmalar;

- təhlükəsizlik texnikasına dair tədbirlərin görülməməsi;

- ölçü-sınaq sənədlərinin tam olmaması.

Agentlik pozuntuların aradan qaldırılması üçün sifarişçilərə metodiki yardım göstərib.