UEFA Çempionlar Liqasında 1/4 final mərhələsinə start veriləcək

Bu gün UEFA Çempionlar Liqasında (ÇL) 1/4 final mərhələsinə start veriləcək.

ANmedia.az xəbər verir ki, ilk gündə iki oyun keçiriləcək.

Turnirin favoritləri “Real”la “Mançester Siti” birincilərin meydanında üz-üzə gələcəklər. “Kral klubu” ÇL-in ən titullu komandasıdırsa, “şəhərlilər” son çempiondur.

Digər qarşılaşma Londonda baş tutacaq, “Arsenal” “Bavariya”nı qəbul edəcək. Almaniya klubu favorit sayılsa da, son vaxtlar yaxşı formada olmaması Premyer Liqanın liderini qələbəyə ümidləndirib.

Mərhələnin “Atletiko” (İspaniya) - “Borussiya” (Dortmund) və PSJ (Fransa) - “Barselona” (İspaniya) oyunları aprelin 10-da keçiriləcək.
Qeyd edək ki, cavab matçları aprelin 16-17-də təşkil olunacaq.