İsrail ordusu planını açıqladı: İrana qarşı hərbi əməliyyatlar azı üç həftə davam edəcək

İsrail ordusu İrana qarşı hərbi əməliyyatları ən azı üç həftə davam etdirməyi planlaşdırır.
ANmedia.az xəbər verir ki, bu barədə CNN telekanalına İsrail Müdafiə Ordusunun (SAXAL) rəsmi nümayəndəsi, briqada generalı Efi Defrin məlumat verib.
"Qarşıda minlərlə hədəfimiz var. ABŞ ilə koordinasiya edərək planlarımızı ən azı yəhudi bayramına qədər - təxminən üç həftə həyata keçirməyə hazırıq. Bundan sonra daha üç həftə üçün də geniş planlarımız mövcuddur", - deyə Defrin bildirib.
O qeyd edib ki, SAXAL-ın fəaliyyəti konkret vaxt qrafiki ilə deyil, qarşıya qoyulan tapşırıqların yerinə yetirilməsi ilə müəyyən olunur. Bu tapşırıqlar isə "İran rejiminin zəiflədilməsi" məqsədi daşıyır.