Cüneyt Arkınla vida mərasimi bu tarixdə keçiriləcək

Türkiyənin məşhur aktyoru Cüneyt Arkın dünən axşam saatlarında vəfat edib.

Anmedia.az xəbər verir ki, Türk teatrının ustad aktyorlarından olan Cüneyt Arkın dünən gecə saatlarında  müalicə aldığı xəstəxanada dünyasını dəyişib. Vəfatıyla  pərəstişkarlarını və bütün sənət dünyasını sarsıdan aktyorla vida mərasiminin vaxtı açıqlanıb. Belə ki,  mərhum sənətkarla son görüş iyunun 30-da Atatürk Kültür Mərkəzində  keçiriləcək. Ustad sənətkar Zincirlikuyu qəbiristanlığında dəfn olunacaq.

Qeyd edək xəstəxanadan verilən açıqlamaya görə, aktyor ürək tutması diaqnozu ilə xəstəxanaya yerləşdirilib. Həkimlərin müdaxiləsinə baxmayaraq, onun həyatını xilas etmək mümkün olmayıb.