LIVE
AZ
TR
RU
EN
FOTO
VIDEO 
Mayın 10-da ümummilli Lider Heydər Əliyevin anadan olmasının 103-cü ildönümü ilə əlaqədar Ağdam və Füzuli şəhərlərində tədbirlər həyata keçirilib.
ANmedia.az “Oxu.Az”a istinadən xəbər verir ki, bu əlamətdar günlə əlaqədar Ağdam şəhərində yerləşən "Hilton Garden Inn Ağdam Hotel"-də və Füzuli şəhər 1 nömrəli Mirzə Uluqbəy adına orta məktəbdə Heydər Əliyevin zəngin irsini və fəaliyyətini əks etdirən sənədli filmin təqdimatı baş tutub.
Təqdimat saat 11:00-da Azərbaycan Respublikasının Dövlət Himni və ulu öndər Heydər Əliyev və şəhidlərimizin xatirəsinin 1 dəqiqəlik sükutla yad edilməsi ilə başlayıb.
Tədbirdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov çıxış edib.
Eyni zamanda, burada iştirak edən Ağdamdan olan ziyalılar ulu öndərlə bağlı təəssüratlarını bölüşüblər. Daha sonra ulu öndər Heydər Əliyevin həyat və fəaliyyətindən bəhs edən "İz" sənədli filmi nümayiş olunub.
Həmçinin ümummilli liderin anadan olmasının 103-cü ildönümü ilə alaqədar olaraq Ağdam şəhərində ağacəkmə aksiyası da həyata keçirilib.
Aksiya Ağdam Mərkəzi Park ərazisində baş tutub. Burada 103 ağac əkilib.
Qeyd edək ki, Mərkəzi Parkın inşası davam edir.
Mətndə səhv varsa, onu qeyd edib ctrl + enter düyməsini basaraq bizə göndərin
