Yadplanetlilər və " 8 maraq siqnalı"

Alimlərin tədqiqatı nəticəsində yeni öyrənmə metodu yadplanetlilərin həyatının axtarışında əvvəllər aşkar edilməmiş səkkiz “maraq siqnalı” tapıb.

Onlara görə, Yerə nisbətən yaxın olan beş ulduzdan gələn bu maraq siqnalları, ehtimal ki, başqa aləmlərdəki yadplanetlilərin kəşfiyyatının göstəriciləri ola bilər.

Tədqiqatçıların fikrincə, bu süni intellekt Yerdən kənarda da həyatın siqnallarını tapmağa imkan verə bilər.

Yerdənkənar kəşfiyyat axtarışlarının çox hissəsi “texnoimzalar” və təsadüfən və ya məqsədyönlü olaraq yadplanetli texnologiyadan gələ biləcək siqnalları təşkil edir.

Lakin elm adamları qismən bu texnoimzaları tapmaqda çətinlik çəkirlər. Yeni sistem tədqiqatçılara kainatdan gələn çoxlu məlumatı araşdırmaq və maraqlı ola biləcək siqnalları tapmaqda bizə daha tez kömək etmək üçün nəzərdə tutulub.

Texnoimzaların axtarışının əksəriyyəti radiotezliklərə yönəldilib, çünki onlar kosmosda asanlıqla səyahət edirlər və onları göndərmək və aşkar etmək üçün sistemlər nisbətən asanlıqla qurulur. Xüsusilə, tədqiqatçılar bütün kainatda müntəzəm olaraq baş verən təbii radio emissiyalarından başqa daha asan seçilə bilən dar zolaqlı radio siqnalları axtarırlar.

Yeni sistem bütün kainatdan gələn bu radio siqnalları üzərində toplanmış məlumatları özündə cəmləyir. Bu barədə geniş şəkildə "Nature Astronomy" jurnalında dərc olunan “820 yaxın ulduzun texnoimzaları üçün dərin öyrənmə axtarışı” adlı məqalədə təsvir edilmişdir. Araşdırmada deyilir:

Alimlər 115 milyon məlumat parçasını araşdırdılar və təxminən 3 milyon maraq siqnalı tapdılar. Yanlış pozitiv kimi görünən siqnalları süzdükdən sonra onlara 20,515 siqnal qalıb. Onlardan tədqiqatçıların marağını yalnız səkkiz “maraq siqnalı” cəlb edib.

Səkkiz siqnal Yerdən 30 ilə 90 işıq ili arasında olan beş fərqli ulduzdan gəlir. Tədqiqatçılar deyirlər ki, onlar bu siqnalların “həqiqətən yerdənkənar kəşfiyyat tərəfindən istehsal edilib-edilmədiyinə” dair heç bir nəticə çıxarmağa cəhd etməyiblər. Onlar digər alimləri də siqnalların haradan gəldiyini öyrənmək ümidi ilə bu hədəfləri araşdırmağa davam etməyə çağırırlar.

Üstəlik, onu da qeyd edirlər ki, eyni üsulla digər dünyalarda həyat axtarışını sürətləndirmək və daha böyük məlumatlar üçün istifadə edilə bilər.

Günel Şəmilzadə

independent.uk.com

Mətndə səhv varsa, onu qeyd edib ctrl + enter düyməsini basaraq bizə göndərin