Sənətin içindəki gizli riyaziyyat məşhur rəssamlarının əsərlərində heyrətamiz kəşf

Alimlər, Leonardo da Vinci və Piet Mondrian kimi məşhur rəssamların əsərlərində təbiətin riyazi sirlərini ehtiva edən gizli naxışlar aşkar ediblər. Aparılan yeni araşdırma, rəssamların təsvir etdiyi ağac budaqlarının, təbiətdə müşahidə olunan fraktal riyaziyyat modelini izlədiyini ortaya qoyub.

ANmedia.az xarici mətbuata istinadən xəbər verir ki, Alimlər, Leonardo da Vinci və Piet Mondrian kimi məşhur rəssamların əsərlərində təbiətdəki budaqlanma modellərini əks etdirən gizli riyazi nisbətləri aşkar ediblər. PNAS Nexus adlı hakimli jurnalda dərc edilən araşdırmada, rəssamların ağac təsvirləri incələnib və budaqların qalınlıqlarının müəyyən riyazi nisbətlərə uyğun olduğu müəyyən edilib. Mütəxəssislər, bu şəkildə, abstrakt əsərlərin belə bəzən fərq edilmədən realist təbiət formalarını təqlid edə biləcəyini düşünürlər. Leonardo da Vinci, 16-cı əsrdə etdiyi müşahidələrində, budaqların diametrləri arasındakı əlaqənin müəyyən riyazi qaydalara əsaslandığını irəli sürmüşdü. Da Vinci'nin istifadə etdiyi "α" parametri, alimlərin araşdırdıqları sənət əsərlərində də 1,5-dən 2,8-ə qədər dəyişən nisbətlərlə təsdiq olundu.

BOZ AĞAC TABLOSUNDA GİZLİ MATEMATİKA
Araşdırma qrupu, 20-ci əsr sənətçisi Piet Mondrian’ın 1912-ci il tarixli Boz Ağac adlı kübist əsərində də oxşar riyazi nisbətlərin olduğunu qeyd edib. Araşdırma, müəyyən riyazi dəyərlərin qorunmasının, abstrakt sənətin belə şüuraltında təbii formaları xatırlatmağa imkan verdiyini ortaya qoyur. Fərqli dövrlərdən və mədəniyyətlərdən olan sənət əsərləri üzərində aparılan analizlər, ağac təsvirlərindəki riyaziyyatın zaman və məkandan asılı olmayaraq estetik bir element olduğunu göstərir. Araşdırmaçıları, "Bu araşdırma, sənətin təbiətin gözəlliyini qiymətləndirmə və yenidən yaratma formasını təqdim etdiyini göstərir" deyərək, sənətin elm ilə necə iç-içə keçdiyinə diqqət çəkirlər.

Vasif Şükür